Пред повеќе од 50 години, Џејсон Насо и Чарлс Стефенсон ја откриле NaSt1 и ја класифицирале како Wolf-Rayet ѕвезда, а 50 години подоцна NaSt1 ги изненадила астрономите, кои ја преименувале во Nasty 1 (Гадна 1).
Wolf-Rayet ѕвездата е вид на ѕвезда која брзо се развива и е многу поголема од нашето Сонце. Телескопот на НАСА, Hubble, открил дека оваа ѕвезда е единствена. До сега немало слично однесување во галаксијата како што е нејзиното, тврдат од НАСА.
Астрономите очекувале дека преку набљудувањето на ѕвездата ќе видат идентични „парчиња“ гас кои доаѓаат од спротивната страна. Тоа се гледа при набљудување на Eta Carinae, уште една ѕвезда од овој вид. Наместо тоа, астрономите забележале диск од плин кој кружел околу ѕвездата. Тие сметаат дека невидлива ѕвезда пратилка земала неколку „космички залаци“ од NaSt1.
- Многу бевме возбудени кога видовме дека структурата е како диск, бидејќи тоа може да е доказ дека Wolf-Rayet ѕвездата се формирала од бинарна интеракција, изјавил предводникот на истражувањето, Џон Морхан од универзитетот во Беркли.
Објаснил дека во галаксијата постојат многу малку примери на процесот додека трае, бидејќи таа фаза е краткотрајна. Според моменталните проценки, плинскиот диск е стар само неколку илјади години, а би можел да биде во близина на Земјата – на оддалеченост од 3000 светлосни години.