Синоќа се случи феномен што многу ретко може да се случи на ноќното небо. Станува збор за за помрачување на Супермесечината.
Ова се случува во моментот кога нашата планета се наоѓа помеѓу полна Месечина и Сонцето. Сенката од Земјата ја покрива Месечината, чија местоположба е многу поблизу до нашата планета и поради тоа делува дека е за 14% поголема.
За жал, поголемиот дел од нашата земја синоќа беше покриен со облаци, па не можевме да уживаме во прекрасната глетка. Но, онаму каде што небото било чисто, луѓето искористиле и направиле прекрасни фотографии.
Помрачувањето траеше еден час и 11 минути, а се гледаше од Северна и Јужна Америка, Европа, Африка и одредени делови од Азија.
Помрачување на Супермесечината последен пат имало во 1982 година, а наредното најверојатно ќе се случи во 2033 година.
