Астронаутот Чарлс Дјук во 1972-ра година заедно со екипажот на Apollo 16 пристигна на Месечината. Со неговите 36 години тој беше тогаш најмладиот човек кој зачекорил на површината на Месечината.
Но, сега 4 декади покасно тој откри „тајна“ во јавноста, за неговата мисија. Тајната до сега ја знаела само неговото семејство. Дјук окри дека нешто оставил на површината на Месечината, а тоа е семејната фотографија. На фотографијата која е се’уште е на Месечината може да се забележат Чарлс, неговата сопруга Дороти и неговите два сина Чарлс помладиот и Томас.
Зад неа тој напишал: „Ова е фамилијата на астронаутот Чарлс Дјук од планетата Земја кој слета на Mесечина на април 20-ти 1972-ра година“
За да може да им докаже и на синовите дека ја оставил фотографијата, тој снимил фотографија од самата локација каде ја оставил.
-Температурата на Месечината на одредени места преку ден достигнува и до 204 степени Целзиусови, а ноќе се спушта до -20. Фотографијата ја завиткав во целофан и тогаш изглеаше ОК, но сега по 43 години, мислам дека не е како што ја оставив. Покрај тоа сателитите кои орбитираат не можат да ја лоцираат, бидејќи е премногу мала. Нема шанси да ја видат. изјави Дјук.