Ретка и интересна глетка ќе може оваа недела да видиме од Земјата, кога повеќе планети се подредуваат на тој начин што изгледа како да се многу близу. Оваа т.н. планетарна конјункција ќе биде видлива цела седмица, а за набљудување не е потребна некоја дополнителна опрема, само двоглед или телескоп ако сакате да уживате подетално.
Поради различните должини на орбитите, на планетите им е потребно различно време за полна револуција околу Сонцето. Оваа година, Венера, Јупитер и Марс се најдоа во позиција во која се чини како да се многу близу, но сепак, планетите се оддалечени една од друга милиони километри.
Највоочлива ќе биде Венера, која е 12 пати посветла од Јупитер, додека Марс е 250 пати потемна од Венера. Научниците ги советуваат љубителите на астрономијата да не ја пропуштат оваа прилика, бидејќи следната ќе се случи дури во 2021 година.