Научниците одамна сметаат дека во Сончевиот систем некогаш постоела уште една планета, слична на Јупитер, Сатурн, Уран и Нептун.
Според досегашните претпоставки, нешто многу важно се случило во нашиот систем пред четири милијарди години, што довело до создавање на мистериозна планета. Сега, тим на астрофизичари од Торонто се трудат да ја откријат првата вистина. Според новото истражување, древната планета се судрила со Јупитер и е исфрлена од Сончевиот систем.
- Тоа е во склад со нашите претпоставки дека само големите планети може да исфрлат други небески тела од системот. Иако нашите резултати не се изненадувачки, бев многу возбуден, изјави Рајан Клутиј, докторант на Универзитетот во Торонто и предводник на истражувањето.
Истражувачите направиле компјутерска симулација со четири џиновски планети од нашиот систем. Преку процес на елиминација, истражувачите мереле дали една од месечините во Сончевиот систем би можела да ја следи орбитата, ако неговата планета е одговорна за исфрлување на друго тело од нашиот систем. Откриле дека единствено Јупитер, најголемата планета во Сончевиот систем, е способна да исфрле друга планета, а при тоа месечините на Јупитер да продолжат да се движат по орбитите. На пример, ако Сатурн била одговорна за исфрлување, сударот на тие две планети би бил толку силен што сателитот Јапет би се исфрлил од својата орбита.
Инаку, во август, друг тим на истражувачи, откри дека мистериозната ледена планета најверојатно имала „поблаг“ удар со Нептун, пред да биде исфрлена.