Двајца научници од Калифорнискиот институт за технологија тврдат дека откриле нова планета во Сончевиот систем.
Се верува дека 9-тата планета е со големина колку Нептун и и се потребни од 10 до 20 илјади години за да се заврти околу Сонцето.
Научниците Константин Батигин и Мајк Браун ја откриле планетата преку математички модел и компјутерска симулација во текот на проучувањето на движењето на небеските тела зад орбитата на Нептун. Веруваат дека 9-та планета ќе може да се види со помош на телескоп во рок од 5 години со што и ќе се потврди нејзиното постоење.
-Можевме да молчиме за ова и во тишина да ги поминеме следните 5 години истражувајќи го небото и надевајќи се дека ќе ја пронајдеме. Но, повеќе би сакал некој да ја најде порано, отколку јас да ја најдам подоцна. Сакам да ја видам. Сакам да видам како изгледа. Сакам да сфатам каде е лоцирана и затоа мислам дека ова ќе помогне, вели Браун.
-Долго време се зборуваше за постоење на уште една планета во нашиот систем. Но, ова е прв пат по 150 години кога можеме да кажеме дека имаме уверливи докази дека пописот на нашиот Сончев систем е непотполн.
Научниците го забележале постоењето на 9-тата планета откако идентификувале необично групирање на претходно познати небески тела зад Нептун. Тие велат дека има 0.007 % шанса ваквото групирање да е резултат на коинциденција. Наместо тоа веруваат дека планета со големина на 10 Земји ги сместила овие 6 тела во нивите чудни елиптични орбити.