Јапонија има план да го направи отворањето на Олимписките игри настан што долго ќе остане во сеќавање на целиот свет.
Компанијата Star-ALE дизајнира човечки направен метеорски дожд што треба да биде пуштен над Токио во 2020-та.
Пиротехничкото шоу кое ќе се вика „Sky Canvas“ треба да биде видливо на растојание од 120 милји.
-Природното „паѓање“ на ѕвезди се случува кога честичка од вселената со големина од неколку милиметри влегува во атмосферата и започнува да согорува преку процес наречен плазма емисија. Нашата цел е вештачки да го создадеме овој процес, пишува на веб сајтот на компанијата.
За да се лансира космичкиот дожд, Star-ALE ќе испрати микро сателит во вселената наполнет со околу 5000 запаливи пелети кои ќе бидат изработени од различни метали за да согоруваат во различни бои. Пелетите ќе се запалат на растојание од 35 до 50 милји над Земјата.
Во моментот компанијата ги тестира пелетите во вакуумска комора каде ги подложува под дејство на суперсонични жешки гасови.