VSS Unity – ново летало на Virgin Galactic

По несреќата за време на тестот на вселенското летало SpaceShipTwo на Virgin Galactic во пустината Мохаве во 2014-та (кога загина ко-пилотот), компанијата привремено ги запре нејзините летови, но не престана да работи на усовршувањето на нивната технологија, што резултира со новото летало наречено VSS (Virgin SpaceShip) Unity кое треба да ги заврши копнените тестови во август, по што треба да следат тестови во воздух.

VSS Unity беше најавено уште во февруари како замена за SpaceShipTwo, а именувано е од професорот Stephen Hawking и неговата намена ќе биде да носи патници на кратки тури низ вселената.

Сите тестови треба да кулминираат наредната година со последната фаза на тестирање – независен лет под полна моќност на леталото.

Virgin Galactic сè уште немаат објавено датум за првиот официјален лет, бидејќи многумина пати претходно кога имале објавено не успевале да ги остварат сите планови, па така сега ќе почекаат додека некои работи не се сигурни. И покрај сето ова, компанијата веќе има продадено 700 билети по цена од $250 000, дел од нив на ѕвезди од типот на Lady Gaga, Justin Bieber и Leonardo DiCaprio.