Дали планетата Proxima b која е оддалечена од нас 4.2 милиони светлосни години и орбитира околу црвената џуџеста ѕвезда Proxima Centauri може да биде втора Земја? На ова прашање е тешко да се одговори бидејќи никој досега не ја видел оваа планета, туку научниците тоа го заклучиле анализирајќи ја промената на бојата на ѕвездата.
Се смета дека Proxima b е “заклучена“ за матичната ѕвезда, што значи дека едната нејзина страна постојано е свртена према Proxima Centauri, додека другата е во постојана темница. Со револуција од само 11.2 години околу ѕвездата, таа се наоѓа многу блиску до неа, бидејќи црвените џуџести ѕвезди не се претерано жешки. Постои можност да на планетата има вода, како и атмосфера која ја штити од топлината.
За да се осигураме во овие претпоставки, астрономите предлагаат да се искористи James Webb Space Telescope (JWST) на NASA.
Лансирањето на овој телескоп беше закажано за 2011, но е одложено за 2018, а дизајниран е да ја набљудува инфрацрвената светлина. Доколку Proxima b има атмосфера, како што се претпоставува, таа би ја апсорбирала светлината од матичната ѕвезда и би ја ре-емитувала како инфрацрвена, што теоретски значи дека со помош на JWST научниците би можеле да ја видат.
Сепак, самото постоење на атмосфера не значи и дека планетата е погодна за живот – на пример, атмосферата може да е како онаа на Венера, која е 90 пати подебела од нашата, а и температурата на површината може да е екстремна.