Само неколку дена по успешното лансирање на новата Tiangogn-2 вселенска станица, Кина објави дека Tiangong-1 ја завршила својата историска мисија, и се очекува да се сруши и влезе во земјината атмосфера некаде во втората половина од 2017-та.
Официјални претставници од Кина велат дека падот ќе биде безопасен, и дека базирано на нивни пресметки и анализи, поголемиот дел од станицата ќе согори во атмосферата за време на паѓањето.
Меѓутоа, Jonathan McDowell, астрофизичар од Harvard вели дека Кина ја изгубила контролата врз оваа вселенска станица, и дека е невозможно да се предвиди каде и кога таа ќе падне врз Земјата. Според него, тоа ќе се знае некои 6 до 7 часа пред да се случи, и дека иако поголемиот дел ќе согори, најверојатно ќе има парчиња тешки и по 100kg кои би можеле да причинат штета доколку паднат во населено место, а постои можност и да повредат некого. Инаку, Тiangong-1 е долга над 10 метри и тежи околу 8,5 тони.