Компанијата Boeing веќе еднаш им има помогнато на САД да го победат Советскиот Сојуз во трката кон Месечината, но денес кога буџетот за вселенските истражувања сè повеќе се намалува, која компанија ќе биде онаа со чија помош повторно ќе се вее американското знаме во Вселената?
„Борбата“ ќе биде помеѓу Boeing и SpaceX, судејќи според изјавата на претставниците на Boeing кои изјавиле дека планираат да стигнат на Марс пред тоа да го направи компанијата на Elon Musk.
Како и останатите компании ориентирани на вселенските летови, Boeing како прво „бојно поле“ на вселенската трка во 21виот век го сметаат бизнисот со вселенски туризам. Но тие исто така признаваат дека вистинскиот тест ќе биде кој прв ќе пристигне на Марс.
Компанијата моментално работи заедно со NASA за развивање на Space Launch System (SLS), а паралелно со тоа SpaceX ја развиваат нивната Falcon ракета која треба да не однесе на Марс. Роковите за тоа се 2018-та год. за мисија без екипаж, и 2025-та за мисија со човечки екипаж.
И двете компании се дел од програмата на NASA одговорна за пренесување на астронаутите до Интернационалната Вселенска Станица.
На крајот, без разлика дали првата ракета на Марс ќе биде на Boeing или SpaceX, пристигнувањето на црвената планета ќе претставува огромен чекор напред за човештвото.