Додека светлината ни помага подобро да ги гледаме работите тука на Земјата, таа всушност претставува предизвик за астрономите чиј видик кон небесните тела е попречен од позадинската светлина на блиските ѕвезди.
Сега, научници од Националниот Австралиски Универзитет нашле начин да го решат овој проблем.
Тие креирале нов оптички чип наменет за вградување во телескопи способен да ја негира светлината од ѕвездата најблиска до планетата која што се набљудува. Чипот функционира на сличен начин како што функционираат слушалките кои поништуваат шум – според професорот Стив Маден, чипот има вградено интерферометар кој додава светлина која е еднаква, но со спротивна бранова должина, од онаа на најблиското сонце, што овозможува на научниците да ги набљудуваат дури и слабо осветлените планети кои во спротивно не би ги ни забележиле.
Досега, астрономите предвидувале кои планети би можеле да содржат живот според нивната оддалеченост од ѕвездата околу која што орбитирале. Меѓутоа, таа локација е само една варијабла во однос на тоа, а постоењето на радиоактивни зрачења од ѕвездата е уште една која може да влијае на можноста на живот на планетата.
Со новиот оптички чип би можело да се одреди дали планетата која се набљудува е заштитена од овие зрачења со озон (што и ги зголемува шансите за развивање на живот), бидејќи чипот е способен да го детектира.