Доколку еден ден навистина пронајдеме вонземски живот, тогаш е потребно да знаеме каде точно да бараме, а научниците идентификувале уште едно потенцијално место каде што таков вид на живот би можеле да опстојува.
Новото потенцијално „живеалиште“ е горниот дел од атмосферата на студените „кафени џуџиња“ – масивни објекти со големина помеѓу планета и ѕвезда, но без доволно маса за во нив да започне нуклеарна реакција.
Според пресметките на истражувачите од Универзитетот во Единбург, притисоците и температурите во горните делови од атмосферата на кафените џуџиња, би можеле да се многу слични до оние на земјата – а во такви услови би можеле да растат одредени видови на микроби.
Ваквите кафени џуџиња се направени исклучиво од вители гас, а објектот кој тимот од универзитетот го истражувал е наречен WISE 0855-0714. Тој бил откриен во март 2013 и е лоциран на околу 7 светлосни години од Земјата.
Тимот користел пресметки развиени од астрономот Карл Саган, кои оригинално биле наменети за пресметување на можноста за живот на Јупитер, и биле адаптирани да се вклопат во она што го знаеме за гасовитите џинови како WISE 0855-0714
Саган замислувал дека во атмосферата на Јупитер живеат организми слични на планктоните, на кои не би им било потребно цврсто тло за да преживеат, а со тој тип на живи организми се согласува и тимот истражувачи, кои сметаат дека истите би можеле да преживеат и се развиваат и во атмосферата на кафените џуџиња, живеејќи помеѓу врелите гасови во долните делови на атмосферата, и смрзнувачки студените горни слоеви поблиску до вселената.
Според претходни истражувања, научниците сметаат дека голем дел од хемиските состојки потребни за живот (како јаглеродот, водородот, азотот и кислородот) веќе се присутни кај кафените џуџиња, а во поглед на температурата, пак, кај WISE 0855-0714 таа најверојатно е слична со онаа на Земјата.
Многумина научници шпекулираат за начинот на кој такви микроби воопшто завршиле во атмосферата на кафените џуџиња, а некои од можните начини се дека тие резултирале разни хемиски реакции, или биле пренесени од некој астероид кој поминувал.