Откога е создадена, соларната енергија има значителни ограничувања како обновлива енергија – функционира само додека свети Сонцето.
Тоа ги ограничува регионите каде соларните панели можат ефективно да се користат, а дури и во најдобар случај, тие се користат само половина од денот.
Повеќе од една декада истражувачите од NASA и Пентагон работат на изнаоѓање начин соларните панели да ги надминат овие потешкотии, а досега дошле до неколку возможни решенија.
Имало предлози за правење на атмосферски панели, кои би биле во вид на полиња составени од огледала кои рефлектираат светлина, поставени на вселенско летало кое би се движело над Земјата и преку микробранов емитер би ја испраќало насобраната енергија кон Земјата, па дури биле пронајдени и начини тие бранови да се модулираат за да се заштитат птици или авиони кои би им го пресекувале патот.
Енергијата од овие вселенски базирани соларни панели не би била лимитирана од облаците, атмосферата или ноќниот период и би била континуирано апсорбирана, така што не би имало потреба од нејзино складирање за подоцнежна употреба – што е процес кој инаку чини колку 50% од складираната енергија.
Иако има многу противници на оваа енергетска стратегија (како Елон Маск) кои сметаат дека финансиите кои треба да се вложат за вакво нешто да се реализира се преголеми и целата работа е неисплатлива, некои индивидуи сметаат дека тоа е сосема изводливо.
Еден од нив е Пол Јафе, инженер за вселенски летала од истражувачката лабораторија на морнарицата на САД. Тој презентирал план за имплементирање на вселенски базирани соларни панели, за кој добил неколку награди. Планот се состоел од орбитална централа способна да напојува над 150 000 домови во наредните 10 години, а цената за нејзина изработка би била 10 билиони долари – инвестиција која би се исплатела на долги патеки.
Тој не е единствениот со ваква визија. Јапонија и Кина имаат планови за лансирање на нивни вселенски соларни станици во наредните 25 до 30 години, а во САД постои приватна компанија Solaren Corp. која собира пари за дизајнирање и демонстрирање на ваков сличен проект.
Важно е некој од овие проекти да се остварат бидејќи се предвидува дека енергетската потрошувачка во светот ќе порасне за околу 50% помеѓу 2012 и 2040-та.