Нова студија открива дека третата најголема џуџеста планета во нашиот Сончев Систем има сопствена месечина.
Астрономите користеле 3 различни телескопи за да ја детектираат и карактеризираат месечината која орбитира околу џуџестата планета 2007 OR10, позната како „Снежана“
Снежана е широка 1530 километри и се наоѓа во Куиперовиот Појас, прстен од разни објекти кој се наоѓа после Нептун. Нејзината новооткриена месечина е голема, со дијаметар помеѓу 240 и 400 километри.
Оваа џуџеста планета била откриена во 2007, а првите навестувања за постоењето на нејзината месечина биле откриени преку вселенскиот телескоп Кеплер, кога било забележано дека на планетата и требаат 45 часа да комплетира една ротација. Тоа било многу подолго отколку што му било потребно на било кој друг типичен објект во Куиперовиот Појас, кој вообичаено ја комплетира ротацијата за 24 часа или помалку.
Истражувачите претпоставувале дека бавната ротација може да биде предизвикана од гравитациона сила на месечина, па така почнале да ги анализираат архивските снимки од планетата снимени со вселенскиот телескоп Хабл, при што сомнежите ги потврдиле со две слики од есента 2009-та и 2010-та.