Три руски сателити кои биле лансирани во ниската орбита во 2013 повторно се во движење, и никој не знае што е нивната намена.
Откога биле неактивни повеќе од една година, еден од нив се придвижил стотина метри вон неговата орбита и се доближил на 1200 метри до парче од кинески метеоролошки сателит кој во 2007-ма бил уништен во тест на анти-сателитски ракети.
Никој не знае што е намената на овие 3 сателити, а некои експерти велат дека може да се „демонстратори на технологија“, па дури и “претходници на орбитални оружја“.
Наречени со шифрите Kosmos-2491, Kosmos-2499 и Kosmos-2504, овие сателити се помрднале неколку пати во изминативе 3 години, а во врска со нивната функција постојат неколку шпекулации – една од нив е дека се работи за инспекциски сателити кои можат да ја скенираат орбитата на други вселенски летала, како и да имаат интеракција со нив со цел да ги поправат, модифицираат или растурат. Исто така е возможно нивната намена да е користење во воени цели, доколку се опремат со ласери или експлозиви.
Во 2014-та, Олег Остапенко, шефот на руската вселенска агенција, тврдел дека тие биле наменети за мирољубиви цели.