NASА објави слики од нивниот најнов робот кој треба да биде испратен на Марс во 2020-та. На нив е прикажан концептот на роверот на неговото „работно место“ на површината на црвената планета, а се забележува дека неговиот дизајн не е значително променет во однос на Curiosity.
Новиот ровер ќе има комплетно различна мисија отколку сите модели пред него, и во 2020-та, таа ќе биде да пронајде знаци за древен Марсовски живот.
Научниците преку фотографии од одредени делови на површината на Марс откриваат сè повеќе докази дека најверојатно таков живот некогаш постоел, па така роверот не само што ќе бара знаци на поволни услови за живот кои порано постоеле, туку ќе бара и знаци на древни микробски организми.
Тоа ќе се постигне преку дупчалката вградена на роверот која ќе може да собира примероци од карпите и почвата, кои во некоја идна мисија би можеле да се однесат на Земјата.