Кинеската вселенска станица Tiangogn-1 се очекува да се сруши на земјата подоцна годинава.
Лансирана во 2011, таа тежи 9.4 тона и за време на нејзиниот престој во вселената била домаќин на 3 мисии, вклучувајќи ја и онаа на првите кинески женски астронаути – Лиу Јанг и Ванг Јапинг.
Никогаш не ни било планирано да функционира повеќе од 2 години, но таа продолжила да работи до 2016, кога бил исклучен сервисот за испраќање на податоци. Неколку месеци подоцна, беше објавено дека Кина ја изгубила контролата врз станицата, предвидувајќи дека нејзиниот удар со Земјата во втората половина на 2017 ќе биде безопасен.
Кинеската вселенска агенција вели дека поголем дел од станицата ќе согори во атмосферата, а остатокот најверојатно ќе слета во некој од оеканите.
Меѓутоа, Џонатан Мекдауел, астрофизичар од Харвард, вели дека ќе биде невозможно да се предвиди каде ќе падне станицата, дури и еден ден пред да почне да навлегува во земјината атмосфера – туку тоа би се знаело 6-7 часа пред падот.
За среќа, Tiangong-1 не е комплетно невидлива за нас, бидејќи нејзината траекторија се следи и сè ќе биде благовремено изорганизирано пред да почне да паѓа. Доколку сте љубопитни, можете и самите да проверите каде таа се наоѓа во секој момент, на сајтот N2YO.
Наследникот Tiangong-2 веќе е лансиран минатата година, и од скоро е укотвена со првото кинеско товарно вселенско летало.