Леталото Voyager 1 на NASA кое е најоддалечено од Земјата од сите летала кои ги имаме лансирано, повторно ги активирало дел од неговите потисни мотори кои не се вклучени уште од 1980-та.
Моментално тоа е единствено летало во меѓуѕвездениот простор, а потисниците кои ја контролираат неговата антена и ја насочуваат кон земјата сè повеќе ослабуваат – кога таа нема да биде веќе насочена кон нас, веќе нема да може да не контактира.
Со цел да се продолжи животниот век на леталото, научниците од NASA успеале да активираат уште една група потисници што како резултат би резултирало со негово функционирање и по 2020. Нивната првична намена била да го насочуваат Voyager 1 покрај Јупитер и Сатурн, на патот надвор од нашиот Сончев систем.
Неговата последна планетарна средба била со Сатурн на 8 ноември 1980, по што потисниците веќе не биле користени сè до сега.
Сето ова значи дека леталото ќе трае подолго од очекуваното и ќе испраќа фасцинантни податоци од меѓуѕвездениот простор надвор од Сончевиот систем.