Во соѕвездието Лав во K2-18, ѕвезден систем на далечина од 111 светлосни години од нас во чиј центар е ѕвезда од типот црвено џуџе, е пронајдена уште една егзопланета која научниците ја нарекле Супер Земја.
Таа е пронајдена со HARPS (High Accuracy Radial Velocity Planet Searcher ), за време на истражувањето на веќе откриената егзопланета K2-18b.
Истражувачите пронашле „топла“ Супер Земја која ја нарекле K2-18c, со орбитален период од 9 дена и оска скоро 2.4 пати помала од онаа на K2-18b. Оваа планета не била детектирана заедно со K2-18b бидејќи иако се наоѓаат во истиот ѕвезден систем, овие две егзопланети не се на иста орбитална рамнина.
Како што откриваме сè повеќе егзопланети слични на Земјата, се поставува прашањето дали на нив постои вонземски живот и како тој би можел да изгледа.
Неодамна, научниците откриле вид на бактерии на Антарктикот кои преживуваат само со воздух. Нашето разбирање што се подразбира под жива форма и што таа форма побарува за да преживее се проширува и менува постојано. Според истражувачите кои биде дел од откритието на новата планета, кога Џејмс Веб вселенскиот телескоп ќе биде активен, со него ќе можеме да ја истражиме нејзината атмосфера за да го видиме нејзиниот состав, како и дали планетата е покриена со вода.