Каде што стапнал човекот, можат да се најдат микроби – факт на животот е дека контаминираме сè што ќе допреме.
Тоа значи и дека на стотици километри на Земјата, на Интернационалната Вселенска Станица (ISS) се предвидува дека живеат трилиони бактерии.
NASA веќе подолг период работи на тоа да ги идентификува микробите на ISS, кои доколку се секвенцираат би помогнало да се дијагностицираат разни состојби на астронаутите, да се студира како микробите преживуваат во микрогравитацијата, па дури и да се идентификува вонземски живот.
Сега, благодарејќи на Space-3 проектот, астронаутите и биохемичарите на NASA го постигнале токму тоа. За првпат идентификувале микроби на вселенската станица, за кои се испоставило дека вообичаено се наоѓаат онаму каде што живеат луѓе.
Но, сега кога е докажано дека технологијата потребна за тоа да се открие функционира во Вселената, никој не може да предвиди што астронаутите ќе пронајдат следно.
Претходно, единствен начин да се идентификуваат микроби на ISS било примероците да се испратат назад на Земјата за тестирање.