Научниците изненадувачки знаат многу малку за длабоките ентериери на гасовитите џиновски планети како Сатурн и Јупитер, но тоа сега се менува.
Во 4 нови студии научниците објавиле неверојатни сознанија во врска со тоа каков е животот под облаците на Јупитер, кои доаѓаат од анализите добиени со Juno мисијата на NASA.
Претходните студии на Јупитер се фокусирале на најочигледните карактеристики на планетата – темните ленти, светлите зони, и големата црвена точка.
Во една од новите студии било откриено дека необичното гравитациско поле на Јупитер кое не ја покажува симетријата во правец север-југ е резултат на движењата на ветриштата во неговата атмосфера и ентериер.
Во друга студија, пак, било потврдено дека под нивото на облаците на височина од 3000 километри се наоѓаат силни струења, и дека атмосферата на Јупитер претставува 1% од неговата вкупна маса.
Во третата студија се потврдило што се наоѓа под овие струења – мешавина од водород и хелиум која ротира како цврсто тело, додека во четвртата биле анализирани циклоните на Јупитер користејќи ја сондата Juno.
Уште одамна се знае дека на планетата постојано се движат циклони, но досега не се знаело од каде тие доаѓаат и зошто никогаш не се спојуваат. Сега е познато дека тие постојано се движат во полигонални шаблони.
NASA ја има лансирано мисијата Juno во 2011 и откога сондата е пристигната до Јупитер во 2016 има овозможено бесценети информации во врска со планетата.