Иако Плутон веќе не е категоризиран како планета, сè уште е фасцинантен. Со истражување на неговата хемиска композиција, истражувачите дошле до нова идеја поврзана со неговото формирање – дека е направен од комети.
Според сегашниот научно признаен метод, планетите се формираат со постепено зголемување на помали објекти, а бидејќи Плутон се наоѓа веднаш до Куперовиот појас од астеродиди, се сметало дека се формирал на тој начин.
Но, помеѓу Плутон и кометата 67P/Churyumov-Gerasimenko има многу сличности за кои научниците од SwRI (Југозападниот истражувачки институт) веруваат дека не се случајни – конкретно, ледот богат со азот.
Благодарејќи на сондите New Horizons и Rosetta испратени да ја студираат кометата 67P, имаме мноштво податоци поврзани со Плутон и кометите.
Бил развиен космохемиски модел на формирањето на Плутон наречен „гигантска комета“, при што била пронајдена интригантна конзистентност помеѓу проценетото ниво на азот во глечерот на Плутон и кометата 67P – кое би било очекувано доколку Плутон би бил формиран од агломерација (групирање) на околу билион комети или останати објекти од Куперовиот појас со слична хемиска композиција.
Азотот на Плутон е сличен на метанот на Титан, или водата на Земјата, во смисол дека е одговорен за оформувањето на површината на планетата. Поради ниската вискозност на површинските температури на Плутон, азотот може да се движи како глечерите на Земјата – еродирајќи ги карпите и менувајќи ја формата на површината.
Земјината атмосфера содржи околу 78% азот, а на Плутон околу 98% што е невообичаено високо.
Тие сега сметаат дека иницијалниот хемиски состав на Плутон наследен од градбените блокови на кометите бил хемиски модификуван од течната вода, па дури и од океан под неговата површина.
Возможно е и дека јаглеродот моноксид кој недостасува кај кометарниот модел е заробен т.е замрзнат под површината на Плутон.
Сето ова е хипотетичко, но може да се покаже и како вистинито со понатамошни хемиски анализирања на вселенските објекти.