Телескопот Кеплер има значителен придонес за нашето знаење во врска со планетите надвор од Сончевиот Систем, но неговата мисија се ближи кон крајот.
Минатата недела NASA објавија дека леталото е ставено во хибернација, бидејќи неговите резерви на гориво биле многу мали.
Неговата последна опсервациска кампања (18-та по ред) била насочена кон ѕвездите од соѕвездието „Рак“ во потрага по нови планети кои ги открива со набљудување на промената на светлината на ѕвездите, предизвикана од орбитирачките планети кои поминуваат пред нив.
Во моментов не знаеме дали и што пронашол, бидејќи податоците се сè уште во него и не се превземени. За да ги испрати на Земјата, Кеплер ќе мора да го искористи горивото за да ги вклучи потиснувачите кои треба да ја насочат неговата антена кон нашата планета.
Тоа ќе се случи на 2-ри август, а до тогаш леталото нема да користи гориво за да има доволно за да ги испрати податоците. Доколку маневарот и нивното преземање се успешни, тимот истражувачи на 6-ти август ќе ја започне 19-тата опсервациска кампања со преостанатото гориво.
Досега, овој телескоп пронашол околу 2300 потврдени егзопланети, со илјадници други кандидати.
Позициониран на 151 милиони километри од Земјата, Кеплер не може да се надополни со гориво, така што кога тоа ќе го снема, ќе мора да се простиме од оваа пионерска мисија.
Тој ќе биде наследен од TESS, кој треба да биде лансиран во април.