2019 PDC е комплетно хипотетичка апокалипса која би се случила доколку во Земјата удри астероид.
NASA, FEMA (Федерална агенција за управување со вонредни состојби) и интернационални партнери меѓу кои и ESA (Европската вселенска агенција) спроведуваат вежба со која се симулира како во реално време би изгледало справувањето со една таква планетарна опасност.
NASA вакви симулации изведува со години, поради што во 2016-та е формирана и нова канцеларија за координација за планетарна одбрана (PDCO) со чија помош оваа недела ќе се спроведуваат вежбите.
Во сценариото 2019 PDC, астероидот е забележан на 26 март 2019-та, за кој се проценува дека со големина од околу 300 метри. Понатамошни анализи откриваат дека датумот кога тој ќе удри во Земјата најверојатно ќе биде 29-ти април 2027 – 8 години од дента кога е забележан, а проценетиот ризичен коридор (означен со црвена линија) се локациите во кои што тој може да удри.
Таа линија поминува низ средината на САД како и делови од Африка, а последните информации сугерираат дека 2019-та PDC има околу 1% шанси да удри во Земјата.
Симулацијата која веќе е започната ќе трае една недела, а од NASA, FEMA, ESA и другите институции ќе се добиваат дневни извештаи за траекторијата на астероидот.
Како дел од вежбата, партиципантите ќе дискутираат за можностите на дефлексија на астероидот, собирањето финансии за справување со ситуацијата, начините на менаџирање на реакцијата на јавноста за потенцијалната апокалипса која би се случила за 8 години, како и креирање на планови за овозможуваат помош пред и по катастрофата.
За прв пат за време на овие вежби јавноста ќе може во реално време да ја следи ситуацијата преку твитер профилот на ESA @esaoperations, како и на нивниот блог.