Yutu 2, кинескиот ровер кој слета на темната страна на Месечината на почетокот на оваа година само што успеа да ги собере првите примероци од под кората на Месечината.
За овие примероци се смета дека се откопани од удар на метеорит кој бил толку силен што поминал низ месечевата кора, а понатамошни истражувања на овие подземни карпи треба да откријат како Месечината се формирала.
Во нејзините најрани денови, таа најверојатно била покриена со широк океан од магма, во кој што период, според научниците, тешките метали како железото и магнезиумот (кои и двата преовладувале во новите примероци) потонале под површината на Месечината, додека полесните соединенија испливале над неа, евентуално формирајќи ја кората.
Ваквите истражувања на научниците би им овозможиле нови знаења во поглед на тоа како вселенските објекти се формираат, особено кога нивната обвивка нема никаква интеракција со вода, како што е случајот со Земјата.