За прв пат забележани егзопланети кои формираат месечини

Два независни тима астрономи пронашле доказ за планетарен диск околу две блиски егзопланети – што се верува дека е фаза во еволуцијата на гасовити планети која може да доведе до формирање на месечини.

Системот познат како PDS 70 е лоциран 370 светлосни години од Земјата, а се работи за исклучително млад систем (само 6 милиони години) – што е малку повеќе од една стотинка од староста на Сончевиот Систем. Планетата PDS 70b била откриена минатата година и е огромен објект со тежина помеѓу 4 и 17 поголема од онаа на Јупитер, а астрономите сакале да дознаат повеќе за неа и како таа се менува во раните години од постоењето.

Еден од тимовите не само што го забележал околу планетарниот диск, туку открил и дека PDS 70b не е сама планета во системот и дека подалеку од матичната ѕвезда се наоѓа уште една планета (именувана PDS 70c) со маса околу 10 пати поголема од онаа на Јупитер.

Овие две планети се втор мулти-планетарен систем кој бил директно фотографиран.

Откритието на втората планета ни дава уште повеќе информации во врска со тоа што се случувало во раниот период на постоењето на нашиот Сончев Систем. Двата гасовити џинови се во 2:1 резонанца, што значи дека за секои 2 орбити на PDS 70b, PDS 70c комплетира една, што ја потврдува хипотезата дека Јупитер прво мигрирал навнатре во правец кон Сонцето, а потоа нанадвор кон Сатурн, пред да запре во сегашната орбита.