NASA објави дека ги комплетира финалните дизајни и евентуално конструкцијата и тестирањето на вселенско летало кое треба да ја посети Европа, ледената месечина на Јупитер, во потрага по знаци на живот, најрано во 2023-та.
Мисијата е наречена Europa Clipper и вклучува испраќање на сондата за да открие дали солениот под површински океан на Европа има услови за во него да содржи некаква форма на живот.
Месечината Eвропа прв пат била откриена во 1610 од Галилео Галилеј, а нејзината маса изнесува само 65% од масата на нашата Месечина. Претходни докази сугерираат дека Европа има цел океан од течна вода под дебелиот слој воден лед, а научниците сметаат дека овие под површински океани ги исполнуваат критериумите за постоење на форми на живот базирани на јаглерод.
Леталото Clipper ќе има неколку камери, спектрометри и радар, и ќе истражува колку е дебела ледената школка на Европа за време на 45-те прелетувања. Според NASA, најблиското прелетување ќе биде на височина од само 25 километри.
Овој април, NASA успешно ја тестирале антената која ќе биде вградена во Clipper и која ќе биде одговорна за испраќање на слики во висока резолуција, и на научни податоци.