Европската Вселенска Агенција (ESA) сака еден ден луѓето да живеат во подземните пештери на Месечината.
Иако на нејзината површина досега била истражувана, на неа било чекорено (па дури и играно голф), релативно малку се знае за она што се наоѓа под неа.
Од ESA сакаат тоа да го истражат, конкретно јамите кои планетарните геолози сметаат дека биле создадени од колапсот на тунелите кои биле полни со лава, кога таа течела под површината на Месечината пред билиони години.
Лунарните марии (големите темни рамнини) биле креирани од големи теченија на базалтска лава, скоро на ист начин како што слични рамнини се креирани на Хаваи.
Истражувањето и мапирањето на овие тунели би ни дало нови информации во врска со геологијата на Месечината, а истите би можеле да користат и како долготрајни засолништа за идните човечки посетители на Месечината.
Тие би ги штителе астронаутите од космичката радијација и микрометеоритите, и потенцијално би овозможиле пристап на заледената вода и останатите ресурси кои се заробени под површината на Месечината.
Агенцијата објавила повик за идеи за начините на кои можат да се истражуваат подземните области под лунарната мариа, и што сè би можело да се истражува со една таква мисија. Од ESA велат дека бараат идеи за мисии не само како да им се пристапи и да се движи во пештери, туку и за креирање на комуникациски систем помеѓу подземните пештери и надворешниот свет.