Доколку сакаме да напраивме постојани бази на Месечината и Марс, тие ќе мора да бидат самоодржливи и во нив да се продуцира вода и храна.
Сега, холандски истражувачи успеале да израснат земјоделски култури во имитации на лунарна и марсовска почва развиени од NASA и откриле дека е возможно да се расте храна за идните астронаути директно во почвата на другите светови и дека земјоделските култури можат да продуцираат семиња кои потоа можат повторно да се садат.
Симулираните почви биле измешани со органска материја за да на културите им се овозможат хранливи состојки, додека стандардна земјина почва била користена како контролен примерок. Тимот научници се обидел да одгледува неколку различни култури како домати, ротквици, ‘рж, киноа, спанаќ, лукчиња, грашок, праз и слично, а резултатите не биле успешни само за спанаќот бидејќи тој не израснал доволно за да може да се јаде.
Се покажало дека марсовската почва имала слична продуктивност како земјината, додека продуктивноста била помала кај лунарната почва.
Експериментот дава ран поглед на она што нè очекува во иднината, како и информации корисни за вселенските агенции кои се сериозни за креирање на живеалишта на други планети.