Двајца научници од NASA за време на годинешниот состанок на Lunar Exploration Analysis Group (групата за анализа на истражувањето на Месечината) изјавија дека од NASA планираат следните 2 астронаути кои ќе бидат на површината на Месечината таму да останат 6.5 дена два пати подолго од било кои астронаути досега.
За тоа време тие ќе можат да извршат најмногу 4 прошетки по нејзината површина, при што ќе собираат примероци од мраз и ќе извршуваат разни други научни опсервации.
Исто така се планира и испраќање на нов ровер пред мисијата со екипаж, дизајниран за астронаутите да можат да го контролираат далечински.
По таа мисија, се планира испраќање на тим од 4 астронаути на Месечината кои таму ќе останат 2 недели, а тоа би требало да се случи пред 2030-та.
Инаку, конгресот на САД сè уште не го одобрил финансирањето на NASA за мисијата во 2024-та, што го доведува во прашање планираниот распоред за онаа во 2030-та.