Иако Индија досега има лансирано само 3 вселенски летала, нејзината вселенска агенција веќе планира нова дестинација – Венера.
Научниците и инженерите од индиската организација за вселенски истражувања (ISRO) до владата на Индија ги испратиле нивните планови за летало кон Венера, за кои се надеваат дека ќе бидат одобрени за да можат да ја започнат мисијата. Вселенското летало би можело да биде лансирано за само неколку години и би пренесувало повеќе инструменти.
Леталото би ја студирало атмосферата и јоносферата на Венера, како и начините на кои Венера има интеракција со нејзината околина. ISRO идентификувале 16 инструменти од индиски научници кои би сакале да ги инсталираат на леталото и кои би се фокусирале на набљудувањето на облаците, идентификување на молњи, студирање и мерење на честичките плазма кои поминуваат покрај Венера на нивниот пат кон Сонцето и др.
Неколку инструменти би потекнувале од интернационални партнерства, а доколку мисијата биде одобрена од владата, вселенското летало би можело да биде лансирано во јуни 2023-та.