NASA ја претставија нивната досега најмоќна ракета

По многу години одложување, NASA конечно го претставија нивниот т.н Систем за вселенски лансирања (SLS – Space Launch System), кој планираат да го користат за да ги однесат американските астронаути на Месечината до 2024-та.

Се работи за најмоќната досега направена ракета, од која било објавено видео снимено за време на тестирањето на резервоарот за гориво, кој намерно бил уништен во процесот. Истиот може да издржи повеќе од 260% од очекуваното оптеретување кое би го имал за време на летот, пред да се распадне.

Резервоарот е дел од јадрото на SLS и ќе игра клучна улога во мисијата Artemis на NASA, со која ќе бидат испратени товар и астронаути на Месечината, бидејќи SLS е единствената ракета во која одеднаш може да се „спакуваат“ Orion (леталото на NASA за истражување на длабоката вселена), астронаутите и товарот.

SLS проектот бил соочен со многу одложувања и чинел околу 17 милијарди долари за да се развие, а оригинално планираниот прв тест лет требало да се случи оваа година.