Првите колачиња во светот кои биле зготвени во Вселената се вратија назад на Земјата каде ќе бидат анализирани од научниците.
Првите колачиња, т.е првото било што зготвено во микрогравитација, е направено од астронаутите на Интернационалната Вселенска Станица (ISS) пред Божиќ, откако експериментална рерна била испратена во станицата во ноември.
Астронаутот Кристина Коч – која само што го сруши рекордот за жена која најдолго време поминала во Вселената – заедно со астронаутот на ЕСА (Европската Вселенска Агенција) Лука Пармитано на Twitter ја споделија фотографијата од колачињата, кои за жал не смееле да ги пробаат.
Наместо тоа, тие индивидуално биле завиткани и испратени „дома“ на 7-ми јануари кога капсулата Dragon на SpaceX се враќала на Земјата.
Колачињата биле направени од замрзнати дискови готово тесто за колачиња на DoubleTree, во прототип на рерна креирана од Zero G Kitchen и Nanoracks.
Биле испечени 5 колачиња (едно по едно), а рерната била специјално дизајнирана да функционира во микрогравитациско опкружување.
Бидејќи конвекцијата (струење на топлината) не е возможно во микрогравитација поради недостаток од гравитација, печењето било направено со електрични греачи слични на тостер.
Целта на проектот е да се направи обид долготрајните вселенски патувања да бидат погостопримливи и да се тестира како храната се однесува во микрогравитација.