Тим научници предлага мисија за истражување на Оумуамуа, првиот објект од меѓуѕвездениот простор кој астрономите го забележаа како патува низ нашиот Сончев Систем во октомври 2017-та. Истиот има големина колку 2 Ајфелови кули и се движи со брзина од околу 96 500км/ч.
Предложената мисија која иницијативата за меѓуѕвездени студии ја нарекува Проект Лира, би се соочила со големи предизвици - почнувајќи од логистиката, па до финансирањето.
Оумуамуа моментално се наоѓа на излезот од Сончевиот Систем, а секоја дополнителна година поминува далечина приближна на онаа од Земјата до Јупитер.
Истражувачите предлагаат да се почека со лансирање на оваа мисија до 2030-та, кога Јупитер ќе се наоѓа во позиција која би можела да се искористи леталото да се насочи кон Оумуамуа со неверојатни брзини, со т.н “slingshot” ефект (во слободен превод „ластегарка“), со кој гравитацијата на планетата би била искористена да го „фрли“ леталото кон посакуваната цел.
За тие 10 години би можеле и да забележиме меѓуѕвезден објект кој би бил попристапен за една таква мисија, па таа да се пренасочи кон него.