Општо прифатената хипотеза за настанокот на Месечината е таа дека била формирана пред милијарда години, од удар на планета наречена Теја. Таа била голема колку Марс и удрила во Земјата, по што се одвоиле големи парчиња од кои настанала Месечината.
Сега, истражувачите од универзитетот во Њу Мексико веруваат дека откриле остатоци од Теја закопани под лунарната површина.
Голем недостаток на хипотезата за ударот е фактот што иако изотопите кислород во лунарните карпи собрани за време на Аполо мисијата на NASA биле слични на оние пронајдени на Земјата, тие биле значително различни од оние пронајдени на другите објекти од Сончевиот Систем.
И покрај малите шанси за тоа, Земјата и Теја можеби имале сличен состав, кој потоа се измешал до непрепознавање.
Во нивното истражување, научниците од Њу Мексико ги анализирале изотопите кислород од различни видови на лунарни карпи, при што откриле дека колку карпата потекнувала од подлабоко, толку потешки биле изотопите во споредба со оние од Земјата.
Според нив, составот на изотопите кислород на Теја не бил целосно изгубен низ хомогенизацијата за време на ударот, а резултатите ги довеле до заклучок дека Теја најверојатно потекнувала надвор од Сончевиот Систем пред ударот.