DARPA гради нов робот наменет за поправање на вселенски летала додека се во Вселената.
Ова ново летало изгледа слично на комерцијален сателит, но има две роботски раце на кои можат да се вградат разни алатки кои овозможуваат мноштво функции, во зависност од она што треба да се поправа.
Доколку сè оди според планот, ваквите летала ќе бидат постојано во орбитата и ќе бидат „повикувани“ во акција. Кога тоа ќе се случи, тие ќе долетаат до леталото на клиентот, автономно ќе се прицврстат на него со помош на машинска визија со систем за вештачка интелигенција и ќе ги извршат посакуваните поправки или испорачаат некаков товар.
Рацете на роботот се долги скоро 2 метри, а наместо дланка со 5 прсти имаат серија алатки кои можат да се менуваат по потреба.
Тој ќе може да се користи и за транспортирање на нефункционалните сателити надвор од орбитата.
Роботот се контролира со комбинација од автономна технологија и програмирани инструкции.
Тестирањето се планира за подоцна следната година или во почетокот на 2022, за потоа, доколку сè е во ред, да биде лансиран во орбитата во 2023.