Органски молекули се откриени во примероците собрани од „Hayabusa2“ јапонската мисија на астероидот Рјугу, кој се наоѓа во близина на Земјата.
![](http://images.idividi.com.mk/images/asteroid60.jpg)
Кога истражувачите ги анализирале примероците, собрани од две различни локации на астероидот, откриле урацил, еден од градежните блокови на РНК, како и витамин Б3 или ниацин, кој е клучен кофактор за метаболизмот кај живите организми.
Урацилот е нуклеобаза или соединение што содржи азот. Тоа е една од петте нуклеобази во ДНК и РНК, протеините и молекулите кои содржат генетски информации и клучни инструкции за клетките на живите организми.
Студијата со детали за наодите е објавена во списанието Nature Communications.
Рјугу е астероид богат со јаглерод, во облик на дијамант, кој е широк околу 1 километар. „Hayabusa2” беше првата мисија која врати примерок од астероидот, преку правење на кратер со помош на бакарен “куршум“. Примерокот беше преземен од кратерот во 2019-та и исфрлен во Австралија, откако „Hayabusa2“ помина покрај Земјата во 2020-та.