Астероид со големина на носач на авион за неколку часа ќе помине близу Земјата.
Астероидот 2005 YU55, кој е богат со јаглерод и има пречник од околу 400 метри ќе пролета крај Земјата на оддалеченост од 323.200 километри, што многу поблиску од нашата Месечината.
- Нема да се удри во Земјата. Го имаме испланирано неговото движење низ идните 100 години и не постои опасност од удар, истакна Марина Брозовиќ од НАСА за Sky News.
НАСА во моментов ќе направи фотографии со висока резолуција, а астероидот ќе можат да го видат и астрономи аматери.
Она што е посебно кај прелетувањето на овој астероид е тоа да тоа е најблиското поминување на астероид на оваа оддалеченост во последните 30 години. Идниот астероид со оваа големина покрај Земјата ќе помине дури во 2028-та година.
Кога, на пример, таков астероид би паднал на Земјата, во еден од нејзините океани, би предизвикал потрес од 7 степени по Рихтер и цунами со висина на брановите од 20 метри. Но, таквите удари на астероиди се случуваат еднаш во 100.000 години.