На социјалните мрежи повторно паника поради апокалипсата

Пред 11 години странските медиуми, вклучувајќи ги и „Си-Ен-Ен“ и „Гардијан“, ја пренесоа приказната за астероидот 2003 QQ47 кој би можел да удри во Земјата оваа недела, поточно на 21 март 2014 година.

За среќа, или како што и веќе стана пракса, таа приказна нема врска со вистината, но и покрај тоа на социјалните мрежи почнаа да ги шират старите вести за оваа приказна, пишува „Слејт“.

Астероидот постои, но без никаква опасност ќе помине покрај Земјата на 26 март: нема да ни се доближи повеќе од 19 милиони километри, што е околу 50 пати поголема оддалеченоста од онаа на која се наоѓа од нас Месечината.

Сепак, приказната се прошири и на Твитер без фактите да бидат проверени, а написот е рециклиран и на „Дејли Мејл“ во истата форма во која беше објавен во 2003 година. Вистината е дека за астероидот се мислело дека би можело да биде потенцијална опасност кусо време откако е откриен, но набрзо после тоа можноста од удар во 2014 година е исклучена и заклучено е дека опасност од овој конкретен астероид не постои, барем уште следните 100 години, јави хрватски Индекс.