Вселенската агенција откри седум инструменти со кои ќе се служи роверот чие лансирање е закажано за 2020 година. Машината вредна 1.9 милијарди долари ќе прави експерименти преку кои јаглерод диоксидот на површината на Марс ќе го претвори во кислород. Ова би можело да биде од корист за астронаутите кои во иднина ќе ја посетуваат Црвената планета, но кислородот би можел да се користи и како ракетно гориво.
- Уредот под име „Moxie“ функционира како мотор, но наназад, вели Мајкл Хехт, научник на Технолошки институт во Масачусетс, кој се наоѓа зад овој проект.
Се претпоставува дека уредот може да направи околу два кубни дециметри кислород за еден час. Ако уредот функционира како што треба, во план е изработка на 100 пати поголем апарат, кој ќе се лансира две години по стапнувањето на астронаут на Марс.
Поголем уред може да произведе двојно повеќе кислород за повратен лет, многу повеќе отколку што астронаутите користат за патот до Марс. Марс се наоѓа на околу 225 милиони километри од Земјата и до него се патува околу 9 месеци. Новиот ровер би требало да слета во 2021 година.