Мистериозниот објект кој се врти околу супермасивната црна дупка во центарот на нашата галаксија ги изненади астрономите, затоа што успеал да ја преживее средбата со црната дупка. Благодарение на ова преживување, научниците успеале да ја решат мистеријата за објектот познат како G2.
Овој објект е откриен во 2011 година и од тогаш научниците водат дебата во врска со тоа дали се работи за голем облак од гас или ѕвезда опкружена со гас.
- G2 преживеал и среќно продолжил со својата орбита. Простиот гасен облак тоа не би можело да го преживее. Црната дупка буквално не влијаела врз објектот, а немаше никакви реакции од сударот, изјави Андреа Гез, предводничка на ова истражување.
Научниците се надеваа дека преку набљудувањето ќе дојдат до податоци за да откријат што всушност е ова тело, но и информации за тоа како материјата се однесува во близина на црните дупки и како супермасивните црни дупки „јадат“ и еволуираат. И додека некои истражувачи мислеа дека G2 е гасен облак, други тврдеа дека не постои доволна количина на тези кои би го потврдиле тоа.
- Неговата орбита потсетува на орбитата на други ѕвезди. Јасно е дека постои некој феномен кој се случува и дека постои слој на гас кој врши одредена интеракција затоа што гледаме мало протегнување, но тоа не ја спечува ѕвездата да се наоѓа во центарот, додаде Андреа.
Сега, по неколку месечно истражување, научниците можат да кажат дека G2 е само една од новите ѕвезди близу црните дупки, кои се создадени поради спојување на две бинарни ѕвезди од силната гравитација на црната дупка.