Сондата Розета, која своето лансирање го доживеа во 2004 година, во август оваа година пристигна во орбитата на кометата 67Р Чурјумов-Герасименко. Токму оваа сонда е првата која влезе во орбитата на кометата, со цел да ја следи кометата до најблискиот прелет со Сонцето. Целта на оваа мисија е научниците на ЕСА да дознаат нешто повеќе за еволуцијата на нашиот систем и улогата на кометите.
Имено Розета со себе го носи лендерот Plilae, преку кој ќе се случи историското слетување на кометата, сепак неговата работа нема да биде воопшто лесна со оглед на тоа какви сложени тела се кометите. Тие имаат мала гравитација, а при доближувањето до Сонцето испуштаат прашина и водна пареа, па лендерот мора да се прицврсти за кометата.
Одвојувањето на лендерот од сондата се случило во 10 часот, а слетувањето е предвидено да се случи 7 часа подоцна, односно во 17 часот. Веќе кога лендерот се одвоил од сондата, научниците веќе немаат контрола над слетувањето. Слетувањето на кометата може да го следите на следниот линк.