Астрономите потврдија дека три или четири планети имаат иста големина како Земјата и немаат ниту многу топла ниту многу ладна атмосфера.
Според резултатите на телескопот Кеплер на НАСА, најверојатно овие планети се карпести како и Земјата, а не исполнети со гас или мраз. Ја апсорбираат речиси истата топлина од нивната ѕвезда, како што ние земаме од нашето Сонце. Сепак, можеби овие планети не се толку многу комфорни.
- Ако овие планети имаат атмосфери слични на Земјата, тогаш значи едната половина би требало да има 140° топлина, а другата да има температура околу 0, смета предводникот на ова истражување Гилермо Торес.
Она што е важно е дали астрономите се поблизу до одговорот на прашањето дали сме сами во вселената?
- Овие планети постоеле, а тоа не го знаевме претходно. Она што го бараме се евентуални знаци на живот, но ни тоа уште не ни е откриено. Ќе ни бидат потребни многу години за да откриеме, но еве ова е првиот чекор, изјавил Торес.
Тимот на Торес истакна две планети кои се најблизу до големината на Земјата. Едната од нив е Kepler 438-b, која е само 12% поголема од Земјата и зема 40% повеќе енергија од нејзината ѕвезда, отколку Земјата од Сонцето, па најверојатно таму ќе биде малку потопло. Другата планета Kepler 442-b е околу 34% поголема од Земјата, но зема само 2/3 енергија од нејзината ѕвезда – иста количина колку и Земјата од Сонцето.