Тајлер Скрабек од Канада создал графикон на кој прикажал 51 ракета, кои биле создадени за полетување кон вселената. Ракетите се претставени според височина, па почнуваат од британската Black Arrow, која е најниска, а завршуваат со најмоќната ракета Saturn V.
- Фан сум на ракетите долго време, а најинтересни ми се нивната големина и моќ. Родени како алатки кои би се искористиле за време на војна, тие ни помогнале да живееме во комфорност и мир. Некои од прикажаните ракети, полетале неколку пати и се фотографирани многупати, но има и такви за кои не можеше да се најде соодветна фотографија. Сакав да го сменам тоа и на графиконот прикажав целосно колоритен изглед од овие долго заборавени средства. За разлика од автомобилите, ракетите не го добиваат истиот публицитет и сами од себе исчезнуваат. Многу од овие ракети се интересни, но многу луѓе не знаат дека постојат, изјави Скарбек.
На овој графикон се прикажани Sputnic ракетата, која се смета и за прв сателит кој полетал кон вселената во 1957 година. Потоа прикажувањето продолжува со Voston, кој што ја возеше Јуриј Гагарин во 1961 година, а со тоа стана првиот човек кој влегол во вселената.
Ракетата Antares, која имаше катастрофален дефект во 2014 година, била поголема од Vostoc ракетата, но многу помала од China’s Long March 2D. На графиконот, европската Ariane V ракета ја надминала во големина американската ракета, Titan I.
За разлика од овие две, ракетите SpaceX и Falcon 9 1.0 имаат слична големина. Овде може да се види рускиот клон познат како Buran, кој полета без екипаж. За жал, ракетата се уништи во 2002 година.
Исто така на листата се најдоа и најмоќните ракети, Delta IV Heavy, N1 и Saturn V. Во иднина графиконот ќе биде проширен со други ракети.