Најбрзиот начин да патувате по Сончевиот систем (и воопшто да патувате каде било во вселената) е преку светлосни зраци. Но, патувањето со брзина на светлината е многу досадно и е невозможно за сè што има маса.
Од друга страна, ако се држите до некое конвенционално возило, па патувате со добар брз автомобил, тогаш патувањето ќе биде многу долго, но барем ќе имате време за разгледување.
Тимот на српскиот астрономски магазин, создаде илустрација преку која прикажуваат колку трае патувањето по нашиот планетарен систем, ако патуваме со брзина на светлината, една милијарда и 80 милиони километри на час или ако патуваме со моќен автомобил кој се движи со 200км на час.
Како што можете да забележете од илустрацијата, ако патуваме со брзина на светлината, патувањето ќе трае речиси 6 часа, но ако патуваме со автомобил патувањето ќе трае скоро 3.400 години.