Старт ап компанијата 101Hero на пазарот планира да го исфрли својот прв 3Д мини печатач, кој ќе го претставува најпристапниот уред од тој тип на пазарот.
Проектот кој моментално се наоѓа во системот на crowdfunding на Kickstarter, ветува печатач на сите кои ќе вложат 49 долари.
Во таа цена е вклучена и материјал за изработка на објект, па за малку пари веднаш ќе можете да започнете со изработка на свои фигури, сувенири или играчки.
Треба да се нагласи дека ова е мини печатач, што значи дека објектите кои ќе ги изработувате не можат да бидат повисоки од 10 см, но без разлика на тоа, цената ни се чини одлична, па веруваме дека се исплати да се нарача, секако ако им успее кампањата во висина од 20.000 долари.
Што се однесува до техничките податоци, печатачот е тежок само 1,8 кг и пристигнува во димензии од 327x219x253 мм, додека температурата на млазнцата која го истискува растопениот материјал за изработка на објектот изнесува 250 степени, а од материјали ги подржува PLA, ABS и HIPS.
Резолуцијата на печатените слоеви изнесува 1,75 микрони со прецизност на позиционирањето во X-Y оските од 15 микрони.