Научниците од Oak Ridge National Laboratory и Pacific Northwest National Laboratory развиле материјал кој ефективно може да го извлекува ураниумот од морската вода.
Доколку истражувањето се покаже како успешно, ураниумот екстрахиран од океаните би можел да се искористи за напојување на сите поголеми светски градови, во траење од илјадници години.
Проектот (финансиран од министерството за енергетика на САД) користи материјал составен од плетени полиетиленски влакна обложени со хемиски амидоксим. Амидоксимот во солена вода, го привлекува ураниум диоксидот и го сврзува за плетенките, кои можат да се со неколку метри должина и 15-тина сантиметри дијаметар.
Потоа, преку киселински процес научниците можат да го повратат ураниумот во форма на уранил јони, продукт кој бара процесирање и збогатување пред да се претвори во гориво.
Истражувачите велат дека во морската вода концентрацијата на ураниум е 3.3 микрограми по литар, што значи целата водена површина на земјата содржи околу 4 билиони тони ураниум. Со сегашниот процес, потребни се околу 8 недели за да се екстрахираат 6 грама, а на една 1-гигаватна нуклеарна централа и се потребни околу 27 тони ураниум за да функционира една година. Како што може да се заклучи, моментално целиот овој процес е исклучително скап и неефикасен за комерцијална употреба, меѓутоа неговото усовршување ќе помогне во планирањето на иднината на нуклеарната енергија и нејзиното искористување.