Воздухопловните сили на САД склопиле договор со компанијата Boeing во вредност од 90 милиони долари кои ќе бидат употребени за истражување, развивање и испорачување на ласерска технологија која ќе биде интегрирана во четвртата генерација на флотата од борбени авиони.
Тоа најверојатно ќе биде SHiELD технологијата (Високо енергетски ласерски демонстратор за самозаштита) , која ќе биде адаптирана за да се употребува на авион.
Логично е што токму Boeing е партнер на војската во овој проект, бидејќи е една од компаниите која ја водела иновацијата на SHiELD. Тие во 2014 дизајнирале мобилен демонстратор на високо енергетски ласер (HEL-MD), поточно одбранбено возило кое користи таков вид на ласер да ги следи, обележува и уништува целите дури и кога тие патуваат со големи брзини.
Со помош на високо енергетските ласери војската може, на пример, да уништи проектил пред тој воопшто да се доближи доволно блиску за да наштети на објекти или луѓе. Оваа солуција е исто така далеку поевтина отколку ризичната алтернатива на користење на борбени авиони за истата цел.