Војската на САД има намера своите војници во иднината да ги опреми со моќни егзоскелети кои ќе им овозможат да носат поголем товар и повеќе да се движат без да се заморат.
Таа потпишала договор вреден 6.9 милиони долари со Lockheed Martin за развивање на ONYX, егзоскелет кој се носи врз облека и кој веднаш ги претвора војниците во „супер-војници“.
ONYX технологијата е лиценцирана од B-TEMIA, канадска компанија која развива технологија која им го олеснува движењето на луѓето со мултиплекс склероза и остеоартритис, а за која од Пентагон сфатиле дека може и да им помага на војниците да носат повеќе оклоп, оружја и специјална опрема додека се на терен која би тежела повеќе од 45 килограми.
Историјата на војската и разните индустрии е преполна со егзоскелети кои ретко кога профункционирале каква што им била иницијалната намена, а ваквата технологија е вистински предизвик да се создаде и да е успешна бидејќи мора брзо да реагира, да е ефикасна и пред сè, безбедна.
Но, идната генерација на актуатори, сензори и системи за вештачка интелигенција сето тоа можат да го овозможат, па можеби и нема да помине премногу време додека овие „супер-војници“ не се појават на бојните полиња.